विशेषतः दुचाकीस्वारांसाठी या खड्ड्यांचा मोठा धोका निर्माण झाला आहे. रात्रीच्या वेळी खड्डे स्पष्टपणे दिसत नसल्याने अपघाताचा धोका आणखी वाढण्याची शक्यता निर्माण झाली असून,एखाद्याचा बळी गेल्यास याला जबाबदार कोण असा संतप्त सवाल व्यक्त केला जात आहे.
डिव्हायडरवर झाडे नसल्याने वाहनचालकांना हेडलाईटचा त्रास..
महामार्गावरील डिव्हायडरवर पुरेशी झाडे नसल्यामुळे रात्रीच्या वेळी समोरून येणाऱ्या वाहनांच्या तीव्र हेडलाईटचा प्रकाश थेट चालकांच्या डोळ्यांवर पडत आहे. त्यामुळे काही क्षणांसाठी रस्ता स्पष्ट दिसत नसल्याने वाहनचालकांना मोठा त्रास सहन करावा लागत असून, अपघाताचा धोकाही निर्माण झाला आहे. संबंधित विभागाने डिव्हायडरवर योग्य झाडे किंवा हिरवळ लावून वाहनचालकांना होणारा हा त्रास कमी करावा, अशी मागणी होत आहे.
टोलवसुली होते, मग रस्त्याच्या देखभालीची जबाबदारी कोणाची?
संबंधित महामार्गावर टोलवसुली सुरू असताना रस्त्याची नियमित देखभाल, दुरुस्ती, खड्डे बुजविणे, रस्ते सुरक्षा उपाययोजना तसेच आवश्यक त्या ठिकाणी पायाभूत सुविधांची देखभाल करण्याची जबाबदारी त्यांची नाही का..?? असाही सवाल वाहनधारकाकडून उपस्थित केला जात आहे.
खड्डे केंव्हा बुजवणार..?
नांदेड–हैदराबाद मार्गावर दररोज हजारो वाहने धावत असताना रस्त्याची अशी खड्डेमय अवस्था राहणे ही चिंतेची बाब आहे. संबंधित विभागाने करारानुसार संबंधित कात्राटदाराला खड्डे बुजवण्यासाठी तात्काळ सूचना द्याव्यात अशी मागणी होत आहे.
